Монгол Улсын 100 буудалт даамын эрэгтэйчүүдийн 34, эмэгтэйчүүдийн 23 дахь удаагийн аварга шалгаруулах шигшээ тэмцээн нийслэлийн 48 дугаар дунд сургууль дээр эхэллээ.

Тэмцээнд эрэгтэй 14, эмэгтэй 12 даамчин тойргийн системээр тоглож байгаа юм. Эрэгтэйчүүдээс дэлхийд чансаагаараа 44 дүгээрт бичигдэж байгаа Ази тивийн гурав, улсын найман удаагийн аварга, их мастер Д.Эрдэнэбилэг, 2007 оны Өсвөрийн Дэлхийн аварга, Даамын холбооны мастер Г.Гэрэлболд, 2008 оны улсын аварга, даамын холбооны мастер Р.Манлай, улсын гурван удаагийн аварга Б.Эрдэнэбилэг, спортын мастер М.Хишигбаяр нарын тэргүүтэй даамчид оролцож байна. Тэмцээн энэ сарын 12-ны өдөр дуусч, аваргууд тодрох юм.